অসম সাহিত্য সভাৰ সপ্তসপ্ততিতম দ্বিবাৰ্ষিক পাঠশালা অধিৱেশনলৈ আপোনালোক সকলোকে আন্তৰিকতা আৰু আগ্ৰহেৰে আমন্ত্ৰণ জনাইছো ৷ এই অধিৱেশন সাহিত্যিক ঐতিহ্য আৰু আমাৰ প্ৰিয় আপোন ৰাজ্যখনৰ সাংস্কৃতিক বৈচিত্ৰ্যৰ সমাহাৰ হ’ব ৷ এই অধিৱেশন কেৱল আনুষ্ঠানিকতা নহয় ৷ এনে এখন ক্ষেত্ৰ য’ত সকলোৱে সন্মিলিত ভাৱে নিজৰ সৃষ্টি প্ৰতিভাৰ উত্থাপন আৰু বিনিময় কৰিব পাৰিব৷অসমৰ ভাষা,সাহিত্য ,সংস্কৃতি সকলোৰে এক ধ্ৰুপদী ঐতিহ্য আছে ৷ এই অধিৱেশনত সেই ঐতিহ্যৰ প্ৰতিফলনৰ লগতে প্ৰাতঃস্মৰণীয় সাহিত্যিক সকলক শ্ৰদ্ধা জনোৱাৰ আৰু নৱ প্ৰজন্মৰ প্ৰতিভাক উপযুক্ত মঞ্চ দিয়াৰ প্ৰচেষ্টা কৰা হ’ব ৷

ৰঞ্জিত কুমাৰ দাস সভাপতি, আদৰণি সমিতি, অসম সাহিত্য সভা